«Атамекен» интеллектуалдық ойыны

1-желтоқсан Қазақстан Республикасының Тұңғыш Президенті және 16-желтоқсан Қазақстан Республикасының Тәуелсіздігі мерекелеріне орай 25 қараша күні Қазақ гуманитарлы-техникалық колледжінің «Бастауыш білім беру», «Ақпараттық жүйелер» мамандықтарының 1-курс студенттері арасында «Атамекен» интеллектуалдық ойыны өткізілді. Іс-шараның мақсаты – студенттердің Отанға деген құрмет, патриоттық сезімдерін ояту, ұлттық салт-дәстүрлерді білу,адамгершілік пен рухани қасиеттерін дамыту, студенттердің  ой-өрісін кеңейту. Қатысушылар 4 кезең бойынша бақ сынасты.  Ойын қорытындысы бойынша 1-ші орынды – НО-12 тобы, 2-орынды – ИС-11 тобы, 3-орынды – НО-11 тобы иеленді.