«Жақсылық жасауға асығыңыз»

         Өзгелерге көмектесу – жақсылық жасау және адамдарға қуаныш сыйлау ниеті болған кезде өмір шын мәнінде мағынаға толы болады.

         Жақсы әрекет - бұл, ең алдымен, ақысыз әрекет, ол үшін алғыс немесе мақтау күтпеу керек.

         «30 игі іс» республикалық акциясы аясында Жоғары қазақ гуманитарлық-техникалық колледжінің ұжымы Көбжасаров Дәуренге материалдық көмек көрсетті.

       Дәурен «Автомобиль көлігіне техникалық қызмет көрсету, жөндеу және пайдалану» мамандығының 1 курс студенті болып табылады. Қазіргі уақытта  ол Нұр-сұлтан қаласында емделуде. Дәрігерлер: Сол жақ иықтың жоғарғы үштен бір бөлігінің саркомасы деген диагноз қойды. Алдағы уақытта операция күтілуде. Ақшалай қаражат  Дәуреннің  әпкесі Көбжасарованың Замираға берілді.

       Әкімшілік пен оқытушылар құрамы Дәуренді тезірек сауығып, осы аурудан арылуына тілектес.

      Жақсылық жаса, адамдарға жарық, үміт, күлкі сыйла!