«Қозы менен Баяндай» қалалық байқауы

Махаббат пен сүйіспеншілік адам өміріндегі маңызы зор ең ізгі сезім. Шынайы махаббатпен қосылып, өз сезімдеріне адал болған жандар – ең бақытты жандар.

15 сәуір күні «Қозы менен Баяндай» қалалық байқауына «Жоғары қазақ гуманитарлық-техникалық колледжі» атынан ОДД-12 тобының студенті Құдайберген Ерасыл мен ИС-11 тобының студенті Ығалы Аружан қатысты.  Бұл байқаудың басты мақсаты ғашықтар күні жастардың санасына достық, адалдық, сыйластық сезімдерін сіңіру. Бір-біріне деген құрметтерін арттыру. Жастардың бойында өжеттілік пен алғырлықты, жан-жақтылық пен білімпаздықты қалыптастыру. Өнерлерін шыңдауға мүмкіндік беру, өздерін топ алдында ұстауға, сөз сөйлеуге машықтандыру. Жастардың бір-бірімен жақын танысып, аралас-құралас болуына жағдай тудыру. Байқау үш кезеңнен өтті. 

1. Таныстыру.

2. Өнерін көрсету.

3.Бейне ролик.

Қатысушылар бар күш-жігерін салып, белсенді қатысты. Байқау қорытындысы бойынша ЖҚазГТК студенттері 2-ші жүлделі орынға ие болды. Ұйымдастырушылар тарапынан диплом және құнды сыйлықтармен марапатталды.